Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

“Na duhet një opozitë e re”, Kadilli: Basha dhe Berisha duhen harruar, me asnjërin nuk fitojmë dot

Nga A2 CNN
12 Janar 2022, 08:53 | Politikë
“Na duhet një opozitë e re”, Kadilli: Basha dhe Berisha

Fatbardh Kadilli, ish-kandidat për kryetar të PD-së, foli mëngjesin e së mërkurës në "Dita jonë" për situatën aktuale politike në partinë më të madhe opozitare në vend. Kadilli u shpreh se vendi ka nevojë për një opozitë të re, përtej Bashës e Berishës.

“Kemi detyrimin t’u ofrojmë shqiptarëve opozitë dhe nuk kemi asnjë shans tjetër veçse të krijojmë një opozitë krejtësisht të re, një opozitë të shkëputur nga e shkuara. As modeli i Bashës, as ai i Berishës, edhe pa ndodhur këto që ndodhën, nuk duhet të ishin më ofertë politike për demokratët, të cilët nuk duhet të jenë të dënuar të shohin mes njërit apo tjetrit”.

https://a2news.com/2022/01/11/basha-ose-te-na-bashkohet-ose-te-largohet-baci-i-kerkojme-te-shpalle-zgjedhjet/

Më tej, ai u shpreh se në PD ka njerëz që mund ta çojnë partinë drejt fitores, por sipas tij, këtë nuk e bën dot as Basha dhe as Berisha.

“PD-ja është një parti shumë e madhe, e cila ka lindur nga idealet. Ata njerëz që iu bashkuan PD-së që në ditën e parë, kanë qenë njerëz me guxim dhe këta janë shtuar. PD-ja mund të ketë me mijëra persona për të krijuar ekipet e reja politike. Problemi është se kryetari kthehet gati në një mbret. Basha dhe Berisha duhen harruar, me asnjërin nuk fitojmë dot", tha Kadilli.

A2 CNN Livestream

Debat - nga Alba Alishani