“Zbërthimi” i Nuredin Dumanit dhe ushtarit të tij Henrik Hoxha para prokurorëve të SPAK, ka shërbyer si çelës për zbardhjen e një sërë krimesh të ndodhura 10 vitet e fundit në vend. Detajet e rrëfyera nga autorët e përfshirë, porositësit, ezkekutorët apo edhe ndihmësit, kanë identifikuar për hetuesit gjithë zinxhirin kriminal dhe mekanizmin e 18 ngjarjeve të rënda. Njëkohësisht, dëshmia nxjerr në dritë çmimet marramendëse për krimet e kryera a të porositura, që variojnë nga 40 deri në 500 mijë euro.