Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

Nis shpërndarja e teksteve, librat falas, por shumë të përdorur e me detyra gati

Nga A2 CNN
7 Shtator 2022, 15:56 | Aktualitet
Nis shpërndarja e teksteve, librat falas, por shumë të

Fëmijët e shkollave janë në ditët e fundit të pushimeve verore. Tashmë kanë nisur përgatitjet për vitin e ri shkollor, dhe shpërndarja e teksteve ka nisur. Për arsimin publik, ato janë janë falas, por jo të gjithë të rinj.

Duket se punën më të vështirë e kanë mësuesit kujdestarë, të cilët duhet të kombinojnë librat e rinj me tekstet e përdorura.

Por pasi kanë parë gjendjen e librave të përdorur, me shënime dhe të pa fshirë, shumë prindër kanë refuzuar t’i marrin.

Por ka edhe raste si kjo nxënëse e klasës së gjashtë që në paketën e librave që i dha shkolla nuk ka asnjë tekst të ri. Të gjitha librat janë jo vetëm të përdorur, por edhe me detyra gati.

Këtë vit më me fat janë nxënësit e klasave të para dhe të pesta të cilët të gjitha tekstet i kanë të rinj. Më të vegjlit e shkollës, paketën e librave do ta gjejnë mbi banka mëngjesin e 12 shtatorit.

Ndërkohë për nxënësit që ndjekin shkollat jopublike tekstet nuk janë falas. Ndërkaq më 12 shtator, rreth 460 mijë nxënës pritet të nisin vitin e ri shkollor, ku  afro 29 mijë ulën për herë të parë në bankat e shkollës.

A2 CNN Livestream

Debat - nga Alba Alishani