Këtë vit shkollor nxënësit e klasës së parë në Shqipëri e Kosovë po mësojnë me Abetaren e re të njehsuar. Një muaj pas nisjes së shkollës, autorja e librit, prof. Mimoza Gjokutaj thotë se gjatë gjithë vitit shkollor grupi i punës do të monitorojë ecurinë dhe se deri tani nuk ka asnjë koment që cenon strukturën apo përmbajtjen e tekstit. Për miratimin dhe botimin e librit të ri u deshën më pak se 10 muaj kohë nga firmosja e marrëveshjes. Autorja Gjokutaj thotë se mësuesit janë lehtësuar dhe po ecin me ritëm duke dhënë rezultate.