Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Një tjetër databazë me 3 milionë numra telefoni po shitet në internet

Nga A2 CNN
13 Qershor 2022, 16:53 | Teknologji
Një tjetër databazë me 3 milionë numra telefoni po shitet

Pas “patronazhistëve”, “pagave” dhe “targave”, një tjetër databazë me të dhënat e shqiptarëve po qarkullon në internet. Numrat e telefonit, të grupuar si të ishin “paketa promocionale” po shiten për shifra nga 150 deri në 4 mijë euro.

“Domeni është hapur në Panama, aty ku nuk jep fare llogari, pagesat janë me kriptomonedha kështu që kushdo mund ta blejë”, thotë për A2 CNN Shahin Dokuzi, ekspert i sektorit IT.

Regjistrimi i faqes në Panama e ka një arsye. Sipas Besmir Semanajt, tjetër ekspert i fushës, “ato vende nuk i japin rendësi dhe nuk i ndjekin keqbërësit që blejnë domenet e këtyre vendeve”.

Po cili është rreziku i rrjedhjes së numrave të telefonit, në një kohë kur thuajse të gjitha të dhënat e shqiptarëve nuk janë më private?

 ‘Përtej marketingut, bëjnë edhe spam, përshembull ftohen personat për blerjen e kriptomonedhave”, shton Dokuzi.  

https://a2news.com/2021/12/24/pas-pagave-publikohen-edhe-targat/

Ekspertët tregojnë edhe nëse databaza e numrave të telefonit ka lidhje me rrjedhjen e mëhershme të të dhënave.

 “Me sa pashë kishte edhe të dhënat për vendin e punës, kështu që nuk besoj se të dhënat kanë dalë nga kompanitë telefonike”, thotë Semanaj.

https://a2news.com/2021/12/22/publikohet-lista-me-paga-te-qindra-mijera-qytetareve-prokuroria-nis-verifikim-per-skandalin/

Lidhur me qarkullimin e databazës së numrave të telefonit në internet Komisioneri për Mbrojtjen e të Dhënave Personale njoftoi hapjen e një hetimi.

https://a2news.com/2021/12/22/patronazhistet-2-publikohen-pagat-e-630-mije-personave-prokuroria-nis-hetim/

A2 CNN Livestream

Ditari nga Bruna Çifligu