Në një intervistë me gazetaren Aurora Sulçe, ministrja e Turizmit dhe Mjedisit, Mirela Kumbaro u shpreh se objektivi i qeverisë në këtë mandat në lidhje me turizmin është rritja e standardeve për të afruar së shpejti në vend turistët elitarë, ose siç njihen ndryshe ata që shpenzojnë më shumë. Gjithashtu, Kumbaro shpjegoi se po vijon nxitja e agroturizmit me qëllim që sezoni turistik të shtrihet përtej muajve të verës.