Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Paketa anti-KÇK, Avokati i Popullit: Mund ta ankimojmë në Kushtetuese

Nga A2 CNN
16 Shkurt 2020, 10:42 | Aktualitet
Paketa anti-KÇK, Avokati i Popullit: Mund ta ankimojmë në

Institucioni i Avokatit të Popullit po vlerëson ankimimin në Gjykatën Kushtetuese të paketës anti-KÇK, të cilën qeveria tashmë e ka dorëzuar në Parlament.

“Nëse institucioni i Avokatit të Popullit konsideron se shkelen të drejtat e njeriut mundet që të paraqesë dhe ankesë në Gjykatën Kushtetuese për çështje nga më të ndryshmet. Kështu që të gjitha janë elementë që ne jemi duke i vlerësuar. Ne do të dërgojmë rekomandimin dhe qëndrimin tonë edhe në Kuvendin e Shqipërisë” u shpreh Avokati i Popullit, Erinda Ballanca.

Në intervistën për A2, Erinda Ballanca thotë se akti normativ i qeverisë nuk justifikon kriteret e urgjencës, të përcaktuara qartë edhe nga Gjykata Kushtetuese. Ajo i referohet një vendimi te vitit 2006.

“Duhet që të ketë një gjendje jo të zakonshme në jetën e vendit, ku të evidentohet dukshëm rreziku i ardhjes së pasojave të dëmshme për interesat publike dhe të drejtat themelore të shtetasve. Dhe ky rrezik i dukshëm dhe i menjëhershëm nuk mund të kryhet sipas rrjedhës normale të legjislacionit. Situata e krimit në Shqipëri nuk ka ndryshuar në 5-6 vitet e fundit. Nëse është përkeqësuar situata e krimit duhen zbatuar ato ligje të cilat qartësisht janë në fuqi”, shton Ballanca.

Ballanca e sheh te rrezikshëm edhe projektin e qeverisë për ndryshime në ligjin për Policinë e Shtetit që lejon përgjimet pa autorizim nga prokuroria.

“Është një rrezik real ndaj të drejtave të individëve. Përgjimet për individët janë vetëm të ligjshmet, janë vetëm ato që autorizohen qartësisht nga ana e prokurorisë”, përfundoi Erinda Ballanca.

Sipas Ballancës edhe heqja e nenit që parashikonte shkatërrimin e përgjimeve pas 6 muajsh shkel të drejtat e njeriut. 

A2 CNN Livestream

Ditari nga Denisa Pasholli