Palestina reagon ashpër pas marrëveshjes mes Izraelit dhe Emirateve të Bashkuara Arabe

Është cilësuar si një kthesë historike e politikës në Lindjen e Mesme, marrëveshja e paqes e arritur mes Izraelit dhe Emirateve të Bashkuara Arabe, me ndërmjetësimin e presidentit amerikan Donald Trump. I ashpër ka qenë reagimi i Palestinës, e cila e quan një thikë pas shpinë marrëveshjen. “Lidershipi palestinez refuzon marrëveshjen dhe denoncon njoftimin e papritur për normalizim të plotë mes shtetit pushtues të Izraelit dhe Emirateve të Bashkuara”, tha Abu Rudeineh, zëdhënës i presidentit Mahmud Abbas. Sipas autoriteteve palestineze marrëveshja legjitimon agresionin kundër popullit palestinez.