PD e LSI refuzuan të dorëzojnë anëtarët për KZAZ. Ndaj, Klement Zguri, kreu i KQZ, iu referua ligjit, duke i bërë thirrje qytetarëve që të plotësojnë ata vakancat.
Pas kësaj thirrjeje, mbledhja i dha dritën jeshile zëvendësimit të mandateve. Amra Barova e LSI në Shkodër, Arben Elezi i PD në Elbasan dhe Adriatik Alimadhi i PD në Vlorë, janë 3 emrat e rinj që do të betohen të enjten në Parlament.
Pas betimit të tre emrave të rinj, numri i deputetëve në Kuvendin e Shqipërisë shkon në 99. 17 prej tyre janë opozitarë të rinj.
Ndërkohë, paraditen e së enjtes opozita do të vijojë protestën e radhës. Burimet thonë se ajo do të nisë në 5 vendndodhje të ndryshme për të rrethuar Kuvendin e Shqipërisë.