Pasardhësi i Liri Belishovës, gjyqtari Çomo kundërshton problemet e gjetura nga KPK

Gjyqtari Petrit Çomo, kryetari në detyrë i Gjykatës së Tiranës, u përball këtë të mërkurë me komisionerët e procesit të vetting-ut. Referuar hetimit administrativ për tre kriteret e vetting-ut, Çomo kishte mospërputhje në deklaratën e pasurisë të vitit 2003 dhe atë të vitit 2012 në lidhje me mënyrën si ishte bërë pronar i një apartamenti në Tiranë. Apartamenti ishte një pallat të ndërtuar në truallin e një godine 2-katëshe, ku familja e gjyqtarit ishte strehuar nga shteti pas vitit 1990.