Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

PD kërkon ashpërsim të dënimit për krimet zgjedhore, Basha: Politikanët që zgjidhen me votat e kriminelëve dënohen me 22 vjet

Nga A2 CNN
6 Dhjetor 2021, 13:42 | Politikë
PD kërkon ashpërsim të dënimit për krimet zgjedhore,

Kreu i Partisë Demokratike, Lulzim Basha, me anë të një postimi në Twitter bën me dije se “krahas vettingut në politikë, me qëllim dhënien fund njëherë e mirë lidhjeve të botës së krimit me politikën, PD-ja do të propozojë ndryshimin e Kodit Penal, në përputhje me Kodin Penal italian (n. 416 ter), duke ashpërsuar dënimet për këdo që kryen krime zgjedhore”.

“Kushdo që pranon drejtëpërdrejtë apo nëpërmjet ndërmjetësve, premtimin për të fituar vota nga elemente të krimit të organizuar, në shkëmbim të parave apo favoreve të tjera, dënohet me 15 vite burg; I njëjti dënim parashikohet edhe për elementet e krimit të organizuar që kanë dhënë premtime të tilla, apo këdo tjetër që rezulton i përfshirë; Nëse politikani i përfshirë në një skemë të tillë, zgjidhet, ai dënohet me 22 vite burg; Politikanit dhe kujtdo që përfshihet në veprimtari të tilla i ndalohet përjetësisht ushtrimi i funksioneve publike”, lexohet në postimin e Bashës në rrjetin social.

Sipas Bashës, “qeverisja dhe fatet e shqiptarëve nuk mund të diktohen nga korrupsioni dhe krimi i organizuar”.

“Partia Demokratike do të bëjë gjithçka që zëri i qytetarëve shqiptarë të dëgjohet dhe vullneti i tyre të respektohet”, shton kreu demokrat.

A2 CNN Livestream

Dita jonë