Në Shqipëri nuk ka vetëm futboll, volejboll apo basketboll, ka dhe ping pong, një sport që me shumë vështirësi kërkon të kthehet tek lavdia. “Sfido pasionin!”. Me këtë slogan u mbajt për herë të parë në Tiranë, kampionati individual amator në ping pong. Reth 100 pasionant të këtij sporti u mblodhën në një nga palestrat në kryeqytet për t’u përballur me njëri-tjetrin në një event që bëri bashkë 7 qytete të ndryshme të Shqipërisë.