Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Përmbytjet “apokaliptike” nuk pengojnë turistët që të vitizojnë Venecian

Nga A2 CNN
14 Nëntor 2019, 13:27 | Bota

Venecia vijon të mbetet nën pushtetin e ujit, por kjo situatë nuk ka dëmtuar turizmin.

Persona të shumtë shkrepën fotografi ndërsa vizituan sheshin e përmbytur të Shën Markos, disa ditë pasi uji vërshoi në bazilikën e tij dhe objekte të tjera historike.

Në sheshin kryesor të Venecias, të cilësuar si dhoma e ndjenjes e Europës, niveli i ujit arriti mbi një metër, ndërsa Bazilika e Shën Markos u përmbyt për herë të 6 në 1200 vite ekzistencë, e katërta në 20 vitet e fundit.

Mbi 80% e qytetit historik italian u gjend nën ujë për shkak të nivelit rekord të detit që u rrit nga reshjet e dendura të shiut dhe stuhitë e forta. Një barrier kundër përmbytjeve e projektuar në vitin 1984 për të mbrojtur Venecian nga valet e larta, e njohur me emërtimin Moisiu, mbeti pa përfunduar për shkak të korrupsionit dhe shtyrjeve të vazhdueshme.

https://www.youtube.com/watch?v=ECpjVwYw8gs

Kryeministri Giuseppe Conte, që vizitoi qytetin, tha se kjo duhet të përfundojë sa më shpejt: “Ky nivel i lartë uji shkaktoi dëme të shumta. Patëm një mbledhje teknike për operacionet e shpëtimit dhe diskutuam ndërhyrjet në shërbimin e rikonstruktimit. Shpresojmë që mos të kemi emergjenca të tilla”.

Emri i barrierës kundër përmbytjeve në Venecia, Moisi, është akronim për emërtimin Modul Eksperimental Elektromekanik, ndërsa i referohet edhe figurës biblike të Moisiut që ndau Detin e Kuq në mes për të lejuar rrugëtimin e sigurtë të izraelitëve nga Egjipti. 

A2 CNN Livestream

Dita jonë