Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Përmend Kosovën si shembull, plani i Musk për fundin e luftës Rusi-Ukrainë nxit polemika

Nga A2 CNN
4 Tetor 2022, 15:33 | Kosova
Përmend Kosovën si shembull, plani i Musk për fundin e

Elon Musk zemëron Ukrainën me planin e tij të paqes dhe fiton simpatinë e Rusisë. Drejtuesi i kompanisë Tesla, u kërkoi 107 milionë ndjekësve të tij në Twitter që të votonin në një sondazh, duke dhënë opsione për ndaljen e luftës që përfshijnë lëshime territoriale. Pasi mori kritika të ashpra për sugjerimin që Krimea të pranohej zyrtarisht si pjesë e Rusisë, njeriu më i pasur në planet, ndryshoi formulimin e pyetjes duke propozuar që Kombet e Bashkuara të riorganizojnë referendumet në katër rajonet ukrainase të aneksuara së fundmi ilegalisht, gjithashtu dhe në Krime, për të pyetur qytetarët nëse duan të jenë pjesë e Ukrainës apo Rusisë.

Sërish Kievi refuzoi planin e tij duke e pyetur nëse po mundohej të ligjëronte referendumet e paligjshme, ekzekutimet masive apo torturat e ushtrisë ruse. Musk u përgjigj se nuk ishte ky propozimi i tij, por mbajtja e referendumeve nën mbikëqyrjen e OKB-së, ose të ndonjë entiteti apo shteti të besuar të Kievit.

“Mbase (referendum) të ngjashëm me atë të mbajtur në Kosovë”, shkruan Elon Musk në Twitter.

Shumica e atyre që morën pjesë në sondazhin e parë, votuan kundër, ndërsa në të dytin e mbështetën propozimin.

Në kundërpërgjigje, presidenti Volodymyr Zelenksy, krijoi sondazhin e tij duke pyetur ndjekësit nëse preferonin një Elon Musk që mbështet Kievin, apo atë që anohet nga Moska.

Njeriu më i pasur në planet iu përgjigj kritikave duke thënë se plani i tij do të jetë rezultat i padiskutueshëm i kësaj lufte, prandaj i duhej dhënë fund për të shmangur vdekje të tjera, mbase dhe një përshkallëzim më të madh deri në përplasje bërthamore.

A2 CNN Livestream

Dita jonë