Pezullohen fluturimet nga Rinasi deri më 8 prill. Kontrollorët: Nuk kemi interes politik

Pezullohen fluturimet deri ditën e mërkurë, në orën 10:00, në Aeroportin “Nënë Tereza. Shkak, është bërë greva e kontrollorëve të trafikut ajror. Negociatat mes Ministrisë së Infrastrukturës dhe Energjisë dhe kontrollorëve dështuan më herët gjatë ditës, duke bërë që ata të merrnin vendimin për të pezulluar punën deri më 8 prill.

Edhe pse ata kërkuan që situata e tyre të mos politizohej, Kryeministri Rama dhe Presidenti Meta lëshuan akuza të ndërsjella duke bërë me faj njëri-tjetrin për këtë situatë.

Ministrja Belinda Balluku deklaroi se gjithçka është në kuadër të fushatës elektorale, për të bllokuar vaksinat, që do të vinin mbrëmjen e sotme në Aeroportin e Rinas.