Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Prezantohet lojtari më i paguar i Superiores, Balaj: Sjellim titullin kampion në Shkodër

Nga A2 CNN
16 Janar 2023, 15:03 | Futboll
Prezantohet lojtari më i paguar i Superiores, Balaj: Sjellim titullin

Gjatë gjithë fundjavës, në Shkodër kanë pickuar veten. Për t’u bindur se nuk janë në ëndërr dhe se Bekim Balaj është rikthyer vërtetë në shtëpi. Fakti që do të veshë fanellën kuqeblu prej vitit 2010, nxit emocione të veçanta edhe te sulmuesi i Kombëtares.

“Emocionet mund t’i quaj të ngjashme me kohën që kam veshur për herë të parë fanellën. Disa nuk ishin të bindur që kisha firmosur madje. Vllazninë e ndjek gjithmonë”, tha Balaj.

Ëndrra e tij është të rikthejë titullin në Shkodër. 32-vjeçari nuk fshihet. Ashtu si Vllaznia që pasi mposhti Partizanin rihapi kampionatin. “Sulmuesi për gola merret. Shpresoj që të bëj sa më shumë, por si fillim duam titullin”.

Dëshira është e madhe si çdo shkodran për të fituar titullin kampion. Fitimi i Kupës ndoshta nuk të jep më emocione. “Është herët për të thënë. Nuk kam ardhur në Shkodër për ta mbyllur. Ndoshta do ta mbyll te Vllaznia pas disa vitesh, por është herët”.

Me pagë 12 mijë euro në muaj, Bekim Balaj bëhet lojtari më i paguar i Superiores. Një investim për të cilin nuk do të zhgënjehen.

“Për ne lajmi i mirë është firmosja me Balaj. Ai u bë pjesë e jona. Nuk kam nevojë që të flas unë për Bekimin. Duhet të përqendrohemi komplet te ndeshja e Ballshit, e cila është shumë e rëndësishme për ne, sepse luajmë në dy kompeticione”, tha trajneri i Vllaznisë Mirel Josa.

Në karrierën e tij Balaj ka luajtur në Çeki, Austri, Poloni, Rusi, Kroaci dhe së fundmi në Turqi.

A2 CNN Livestream

Dita jonë