Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Profesor Sulçebe: S’duhet të kemi frikë, besoj se vaksina do të jetë gati brenda vjeshtës

Nga A2 CNN
23 Mars 2020, 13:40 | Aktualitet
Profesor Sulçebe: S’duhet të kemi frikë, besoj se vaksina

Doktor Genc Sulçebe, mjek në fushën e imunologjisë, u shpreh në A2 se nuk duhet të frikësohemi nga pandemia e koronavirusit, por ai thekson se duhet të kemi kujdes për të mbrojtur me të dobëtit dhe të moshuarit.

Doktori thekson se duhet të kemi besim se ky infeksion do të përballohet nga sistemi ynë imunitar, i cili është në evoluim të vazhdueshëm dhe për këtë arsye nuk duhet të shkojmë me vrull në qendrat e urgjencës.

“Duhet të qëndrojmë në shtëpi që të mos e përhapim këtë infeksion. Në spitale duhet të shkojnë vetëm ata persona që janë në gjendje të rëndë, që kanë nevojë për oksigjen. Në individë të ndryshëm, disa mund të reagojnë duke mos e shfaqur fare sëmundjen. Këta përbëjnë gati gjysmën e personave të infektuar, por këta mund ta shpërndajnë sëmundjen. Vetëm në 4 apo në 5 përqind të rasteve, gjendja është e rëndë dhe nevojitet që këta persona të shtrohen në spital”, shprehet mjeku.

Sa i përket vaksinës, Sulçebe shprehet besimplotë se ajo do të jetë gati brenda vjeshtës. “Zgjidhja përfundimtare e këtij infeksioni është gjetja e një vaksine. Të dhënat e fundit tregojnë se kjo është e mundshme. Antitrupa të prodhuara në kafshë mbrojnë nga ky virus. Janë gati 20 qendra që punojnë për prodhimin e vaksinës në botë, por nevojiten disa muaj dhe duhet të kemi durim. Brenda vjeshtës, unë besoj se kjo vaksinë do të jetë gati për përdorim në masë”.

Doktori ka edhe një apel për qytetarët: “Në këto momente duhet qetësi. Rëndësia kryesore është që të mos përhapim infeksionin, pasi personat me imunitet të dobët mund të infektohen dhe mund të kalojnë forma më të rënda”.

A2 CNN Livestream

Dita jonë