PS nuk pranon qeveri kujdestare, Balla: S’ ka marrëveshje politike me PD

Partia Socialiste nuk do të pranojë ato kërkesa të Partisë Demokratike që i quan politike për Reformën Zgjedhore. Në një intervistë për A2, kreu i grupit parlamentar socialist, Taulant Balla, tha se nuk do te ketë qeveri kujdestare 100 ditore, pasi mandati i popullit nuk negociohet. “Hallin e vjetër, ua ritheksojmë që nuk ua zgjidhim dot. Në qeverisje vihet vetëm përmes votës dhe shumicës në Parlament. Qeveri jashtë votës dhe vullnetit të qytetarëve nuk mund të ketë. As nuk merret në konsideratë”, tha Balla. “Nuk do të ketë më kurrë marrëveshje të cilat ndajnë pushtet”.