Punimet për zgjerimin e Lotit të Parë në Unazën e Re, kanë vijuar përgjatë kësaj jave ku janë shembur 6 ndërtesa, ndërsa në total u prishën 42 godina.
Ekspertët e IKMT-së dhe ata të xhenios, shembën këtë të premte, nëpërmjet shpërthimit, një pallat 6-katësh në këtë segment.
Shpërthimi për shembjen e kësaj godine u realizua me 10 kg tritol, pasi policia mori masa më herët për të mos lejuar kalimin e këmbësorëve dhe automjeteve.
Godina më herët funksiononte si qendër tregtare, ndërsa së fundmi aty ishin strehuar 70 banorë të zonave te prekura nga tërmeti.