Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Qeveria kërkon 500 milionë euro borxh, eksperti: Nuk pritej, koha e shkurtër është surprizë

Nga A2 CNN
5 Dhjetor 2022, 15:53 | Ekonomi
Qeveria kërkon 500 milionë euro borxh, eksperti: Nuk pritej, koha e

Shqipëria po përgatitet sërish për të marrë borxh në tregjet e huaja. Në një kohë që qeveria po iu bën thirrje qytetarëve që të investojnë në letrat me vlerë, Ministria e Financave dhe Ekonomisë ka shpallur garën për Këshilltar Ligjor për të garantuar një Eurobond në vlerën e 500 milionë eurove.

“Koha e shkurtër është surprizë. Nuk pritej marrja e një borxhi të ri në tregun e huaj pasi nuk janë kushtet më të mira. Kjo në një kohë që qeveria po përpiqet të joshë qytetarët që të investojnë te letrat me vlerë”, thotë eksperti i ekonomisë Eduart Gjokutaj, për A2 CNN.

Po çfarë po e detyron qeverinë të dalë në tregjet e huaja për borxh, në një kohë që kushtet nuk janë aspak të favorshme? “Unë do të thosha që nuk është shërbimi i borxhit arsyeja kryesore. Besoj se më shumë lidhet me faturat e papaguara apo investime të planifikuara, ende të parealizuara”, thotë Gjokutaj.

Kjo do të ishte hera e gjashtë që nga viti 2010 që vendi del në tregjet e huaja për të marr borxh. Deri më tani vlera e Eurobondeve shkon në 1.8 miliardë euro, ndërsa bashkë me atë të që pritet të merret, shuma shkon në 2.3 miliardë euro.

Eurobondi që pritet të merret vitin e ardhshëm ka qenë edhe pjesë edhe e Programit “Buchetor” Afatmesëm 2022-2024 dhe në kuadrin makro të janar 2022.

A2 CNN Livestream

Debat - nga Alba Alishani