Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

“Rama ka 8 vite që na e fut, por për Presidentin e kishim fajin vetë”

Nga A2 CNN
1 Qershor 2022, 21:03 | Politikë
“Rama ka 8 vite që na e fut, por për Presidentin e kishim fajin

Agron Duka, kryetari i Partisë Agrare Ambientaliste (PAA), i ftuar në studion e “Debat” nga Alba Alishani, në A2 CNN, deklaroi se opozita nuk veproi mirë në procesin e zgjedhjes së Presidentit, por la të hapur një shteg për të votuar pro kandidatit të mazhorancës, nëse do të jetë figurë me integritet.

“Edhe nëse do të marrim pjesë në votim, do të votojmë kundër, pasi duket se Edi Rama do të sjellë një kandidaturë të vetën. Ndoshta mund të ketë një emër që mund të më tundojë, ndoshta… Por, besoj se do të jetë varianti i parë, pasi nuk kam besim se do të jetë një figurë me integritet. Pati faj edhe opozita që një çështje e tillë shkoi kështu”, tha Agron Duka.

“Opozita ka probleme mes vetes. Nëse ne do të gjenim të paktën një figurë të pakontestueshme, pavarësisht se mund të votohej kundër nga mazhoranca, kjo do të na jepte kredite politike. Por, ne nuk e bëmë dot këtë. Opozita ende mund të dërgojë një kandidat nëse bie dakord. Por, nuk ka më kohë që të bëhet, plus që e dimë gjendjen e opozitës. Rithemelimi nuk merr pjesë në proces, ndërsa grupi tjetër thotë se “na e futi Rama”. Këtë punë, varet si e sheh. Mund ta shohësh me sy pozitiv, dhe t’i thuash “bravo të qoftë, se je lojtar”. Por, mund ta shohësh edhe me sy negativ e t’i thuash “mashtrues dhe intrigant”. Por, këtë radhë na e futi për fajin tonë. Kështu që, po na dhemb kjo punë. U bënë 8 vite që po na e fut, nuk shkon më kjo punë. Opozita duhet që të shohë jashtë vetes një orë e më parë. Nuk arrihet gjë kështu. Të dyja palët e PD-së vazhdojnë me të njëjtën histori, kur duhen edhe pak muaj nga zgjedhjet”, shtoi Duka.

A2 CNN Livestream

Debat - nga Alba Alishani