Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Rama në Gjirokastër: Si kurrë më parë, PS është forcë e parë pothuajse në të gjithë vendin

Nga A2 CNN
28 Maj 2023, 13:37 | Politikë
Rama në Gjirokastër: Si kurrë më parë, PS

Kryefjalë e fitores së socialistëve në Qarkun e Gjirokastrës, sipas kryeminsitrit Edi Rama, ishte rritja e numrit të turistëve dhe i bizneseve që i mirëpresin.  

Në turin falenderues para gjirokastritëve, Rama theksoi se rritja e pagave në adminsitratën shtetërore është kthyer në faktor ndikues në sektorin privat: “Rritja e pagave tona ka ndikuar në privat se e dinë që mund të ngelen dhe pa punonjës fare”. 

14 majin, Rama e cilësoi si fitoren më kuptimplotë të Partisë Socialiste dhe si provë për këtë nënvizoi daljen forcë e parë politike në këshillat bashkiak pothuajse në të gjithë vendin.

Një kundërpërgjigje e kishte edhe për opozitën, e cila e akuzon Ramën për blerje masive të votave: “Për ata që humbin dhe prapë humbin, e shkojnë keq e mos më keq, shpjegimi është i njëjti: votat na i rrëmbeu mafia. E vërteta është ndryshe, e thjeshtë dhe e kuptueshme. Mjafton të shkosh në Kamëz e të vizitosh kopshtet dhe qendrat shëndetësore, që të kuptosh pse u votua mbi 60% kandidati i PS”.

Besimin e dhënë në zgjedhjet vendore, Rama e paralelizoi me marrjen e një kredie të madhe, për të cilën iu drejtua kryebashkiakëve se mund ta shlyejnë vetëm me superinvestime tek qytetet e tyre. E kundërta do ta shndërronte në bumerang për socialistët fitoren e saposhënuar, pohoi Rama: “Kemi akoma zyra që ia përplasin derën fytyrës qytetartit, kur kemi ende punonjës shteti që sillen si bajraktarë, kjo vota që na u dha mund të na kthehet në një goditje që nuk e imagjinojmë dot”.

Një falenderim special Rama e ruajti dhe për Lazaratin e djathtë, i cili tani ka zëvendësuar kultivimin e hashashit me bimë medicinale të ligjshme.

https://a2news.com/2023/05/25/rama-shqiptaret-nuk-na-kane-braktisur-por-na-kane-mbeshtetur-me-shume-se-kurre/

A2 CNN Livestream

Ditari nga Bruna Çifligu