Rama: Pasaportat e arta janë pezulluar, nga amnistia fiskale nuk heqim dorë

Nga A2 CNN
16 Mars 2023, 13:28 | Politikë
Rama: Pasaportat e arta janë pezulluar, nga amnistia fiskale nuk heqim

Kryeministri Edi Rama, në konferencën e përbashkët për shtyp me Zëvendëspresidentin e Komisionit Europian, Josep Borrell dhe Komisionerin për Zgjerimin, Oliver Varhelyi, deklaroi se qeveria shqiptare e ka pezulluar procesin e pasaportave të arta.

“E kemi bërë të qartë që e kemi pezulluar procesin derisa të sqarohet në nivel europian qëndrimi. Ne nuk e shpikëm këtë, e morëm si model nga vendet e BE-së që e kanë zbatuar me sukses. Ka një çështje në Gjykatën Evropiane. Nuk e nxjerrim më si çështje në tavolinë, pa parë se si do të vendosë Gjykata Europiane. Nëse gjykata vendos kundër, kjo është çështje e mbyllur; nëse gjykata vendos pro, çdo vend do të bëjë zgjedhjen e vet”, shtoi Rama.

Nga ana tjetër, kryeministri theksoi se iniciativa e amnistisë fiskale do të vijojë.

“Kemi folur për amnistinë fiskale, qëndrimi ynë është i ditur. E vlerësojmë angazhimin e Komisionit Europian për të na ofruar ekspertizë dhe duam të vazhdojmë punën me ekspertët. Ne nuk heqim dorë thjesht sepse kjo nuk është gjë e mirë në parim. Ne kemi arsyet tona për të menduar që kjo është gjëja e duhur për Shqipërinë. Prandaj i falenderojmë për ekspertizën dhe sot kemi një draft krejt tjetër nga ai që ishte në fillim, pikërisht falë ekspertizës”, shpjegoi Rama.

https://a2news.com/2023/03/16/skema-e-pasaportave-te-arta-nuk-do-te-ndiqet-me-tej/
https://a2news.com/2023/03/14/keshilli-i-stabilizim-asociimit-rekomandimet-e-be-kujdes-me-amnistine-fiskale-dhe-vizat/
https://a2news.com/2022/12/24/shqiperia-nje-parajse-per-pastrimin-e-parave-media-britanike-kritika-amnistise-fiskale/

A2 CNN Livestream

A2 Business