Raporti i Prokurorisë, tendencë në rritje e krimeve kompjuterike, preken dhe fëmijët

Viti 2020 ka shënuar rritje të krimeve kompjuterike në vend, që me përdorimin e pandemisë për vjedhjen e të dhënave personale, paratë online, por edhe ndërhyrjen në sistemet kompjuterike.

Edhe në raportin më të fundit të Prokurorisë së Përgjithshme mbi tendencën në rritje të veprave penale, krimi kibernetik ka shënuar rritjen më të madhe me mbi 35% krahasuar me veprat e tjera. Pak ditë më parë edhe Policia e Shtetit u bëri apel qytetarëve të tregojnë kujdes, ndërsa Tirana është qyteti më i goditur nga ky fenomen.