Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Reforma në Drejtësi, kallëzim tjetër në horizont kundër togave të vetingut

Nga A2 CNN
22 Maj 2020, 19:42 | Aktualitet
Reforma në Drejtësi, kallëzim tjetër në horizont

Gjykata e Posaçme shtyu për të dielën seancën ku do t’i komunikohet masa e “pezullimit nga detyra” gjyqtarit të Kolegjit të Posaçëm të Apelimit, Luan Daci.

Gjyqtari i shkallës së dytë të vetingut u pezullua në 20 maj me kërkesë të SPAK, e cila po e heton për akuzën e “falsifikimit të dokumenteve”. Sipas SPAK, gjatë aplikimit të tij për në KPA, Daci ka fshehur faktin se në vitin 1997 është shkarkuar nga detyra e gjyqtarit me vendim të Këshillit të Lartë të Drejtësisë, çka përbënte kriter ndalues për të kandiduar në institucionet e vetingut.

Seanca në Gjykatën e Posaçme u shty për shkak të mungesës së Dacit, i cili kishte paraqitur një raport mjekësor. Ndonëse përfaqësohej nga avokati, ligji kërkon praninë e domosdoshme të personit ndaj të cilit është marrë masa në seancë.

Pezullimi i gjyqtarit Daci ka ngritur pikëpyetje mbi procesin e vetingut, por duket se çështja nuk do të jetë rast i izoluar.

https://a2news.com/2020/05/22/pezullimi-i-dacit-a-do-te-kene-vlere-vendimet-e-tij/?fbclid=IwAR0pzUOVvZPNOiQjWGTFRqAzy9v0ba4mz0cg0AZWTq4aH4CbjZ7dqXkvLgk

Të tjerë gjyqtarë të vetingut pritet të jenë objekt i kallëzimeve në SPAK. Në një shkresë të siguruar nga A2CNN, Këshilli i Lartë Gjyqësor informon ish-gjyqtaren Hajrie Muçmata, të shkarkuar nga shkalla e parë e vetingit në nëntor 2019, se anëtarja e Komisionit të Pavarur të Kualifikimit Alma Vokopola (Faskaj) është shkarkuar nga detyra e gjyqtares prej Këshillit të Lartë të Drejtësisë në vitin 1996.

E kontaktuar nga A2 CNN ish-gjyqtarja Muçmata konfirmoi përmbajtjen e dokumentit dhe faktin se në ditët në vijim do t’i drejtohet Prokurorisë së Posaçme, SPAK, me një kallëzim kundër anëtares së KPK.

A2 CNN Livestream

Dita jonë