Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Regjistrimi i PD-së, Sefa: Celibashi ta marrë vendimin tani, të mos bëjë politikë në KQZ

Nga A2 CNN
11 Mars 2023, 14:48 | Politikë
Regjistrimi i PD-së, Sefa: Celibashi ta marrë vendimin tani, të

Përfaqësuesi ligjor i Partisë Demokratike në KQZ i ka bërë thirrje sot kryekomisionerit Ilirjan Celibashi që vendimin për regjistrimin e kësaj force politike në zgjedhje ta marrë sot.

Në një dalje për mediat, Indrit Sefa u shpreh se vendimi nuk ka pse të vonohet pasi “PD nuk do të dorëzojë asnjë dokument në KQZ.”

Kërkoj t’i bëj thirrje publikut Komisionerit, të marrë vendim sa më shpejt. PD e ka bërë të qartë se nuk depoziton asnjë akt shtesë. Dokumentacioni është i plotë dhe i ligjshëm. Të marrë vendim sa më shpejt dhe pa humbur. E lusim të marrë një vendim sa më shpejt. Argumentet politike të komisionerit nuk mund të ngrihen në këtë godinë. Kush e ka qëllim të bëjë politikë në këtë godinë nuk e ka vendin këtu. Komisioneri të japë një vendimmarrje tani”, deklaroi Sefa.

Kujtojmë se më herët gjatë ditës, kryekomisioneri Ilirjan Celibashi, duke iu përgjigjur interesit të gazetarëve, theksoi se KQZ nuk do të marrë vendim pa përfunduar afati prej 48 orësh.

Po ashtu, grupimi Alibeaj edhe përmes një shkrese zyrtare, e ka vënë në dijeni KQZ-në se firmë nga Lulzim Basha nuk do të ketë pasi “dihet botërisht që ai është dorëhequr.”

Përmes përfaqësuesit ligjor Indrit Sefa, grupimi Alibeaj theksoi se dokumentacioni i dërguar në KQZ është i plotë.

https://a2news.com/2023/03/11/sot-skadon-afati-grupimi-i-alibeajt-kqz-se-basha-eshte-dorehequr-dokumentacioni-i-paraqitur-eshte-i-plote/

A2 CNN Livestream

Ditari nga Bruna Çifligu