Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

"Rekordmeni" Xi Jinping

Nga A2 CNN
10 Mars 2023, 14:46 | Bota
"Rekordmeni" Xi Jinping

Xi Jinping mori mandatin e tretë të paprecedentë si presidenti, duke çimentuar rolin, si lideri më i fuqishëm e jetëgjatë i Kinës në dekada. Lideri autoritar siguroi 5 vite të tjera në detyrë, nga parlamenti me pak pushtet de fakto i Kinës, pas një votimi ceremonial, që synonte të demonstronte legjitimitetin dhe unitetin e elitës drejtuese.

Ai mori mbështetje unanime prej 2952 votash, të ndjekur nga ovacione të gjata. Në ceremoninë e organizuar me kujdes ne Pekin, Xi ngriti lart grushtin e djathtë dhe vendosi dorën e majtë në kopjen prej lëkure të Kushtetutës kineze, duke u zotuar të ndërtojë një vend të madh socialist, të begatë e demokratik.

“Zotohem t’i qëndroj besnik Kushtetutës së Republikës Popullore të Kinës, të mbroj autoritetin e Kushtetutës, të përmbush detyrimet e mia dhe t’u jem besnik vendit dhe popullit duke punuar për një vend të madh socialit e modern, që është i begatë, i fuqishëm, demokratik, i avancuar kulturalisht dhe i bukur.”

Riemërimi i Xi Jinping, shihet gjerësisht si formalitet, pasi 69-vjeçari siguroi një mandat të tretë në krye të partisë komuniste kineze në vjeshtë. Në Pekin, presidenca ose kreu i shtetit, është një titull ceremonial.

Pushteti i vërtetë qëndron tek pozicionet e kreut të partisë dhe ushtrisë, dy role kyçe që Jinping i mban dhe që i rifitoi në kongresin e partisë në muajit tetor. E megjithatë marrja e mandatit të ri si kreu i shtetit kompleton zyrtarisht tranzicionin e tij në dekadën e dytë të pushtetit.

Ky hap vjen mes një riformatimi të gjerë të roleve të lidershipit në qeverinë qendrore, apo këshillin e sigurisë, dhe organizata të tjera shtetërore që forcojnë kapjen e pushtetit nga Xi në të gjitha nivelet e qeverisjes. Li Qiang, një prej njerëzve më të besuar të Presidentit pritet të zgjidhet Kryeministër ditën e shtunë.

https://a2news.com/2022/11/08/xi-jinping-paralajmeron-kina-po-pergatitet-per-lufte/
https://a2news.com/2022/12/30/e-fton-per-vizite-ne-moske-putin-takim-online-me-xi-jinping-flasin-per-rend-te-ri-boteror/
https://a2news.com/2022/11/28/protesta-kunder-masave-anticovid-ne-kine-kerkohet-largimi-i-presidentit-xi-jinping/

A2 CNN Livestream

Debat - nga Alba Alishani