Një pjesë e madhe e shtëpive të dëmtuara nga tërmeti i 26 nëntorit, që u paraqitën pak ditë më parë në komitetin e katërt të rindërtimit ndodhen në zonën e Bubqit, ndaj plani për të riparuar pasojat e katastrofës natyrore, prek një sipërfaqe të madhe të kësaj njësie administrative.
Bashkia përgjegjëse, që harton programet e rimëkëmbjes është ajo e Krujës, prej së cilës varet e gjithë zona përreth. Përfaqësues të saj na shpjegojnë se ç’po ndodh aktualisht dhe si është menduar që situata të përmirësohen në javët në vijim kur do të nisë edhe faza e rindërtimit në të gjitha zonat e prekura.
“Familje nga 2 pallate dhe 141 shtëpi individuale do të ndërtohen në një hapësirë të përbashkët, që miratuar”, thotë Drini Masha, përfaqësues i bashkisë.
Vuajtjet e banorëve të kësaj zone nisën që momentet e para, pasi tërmeti shkaktoi dëme të shumta atje dhe herë pas here banorët kanë apeluar për ndihmë. Në ditët e sotme kërkesat bëhen më aktuale.
E ndodhur në një hapësirë tepër strategjike, e gjithë zona e Bubqit kërkon të shohë hapa konkrete nga programi i rindërtimit dhe nisja sa më shpejt e punës, mbase do t’ua ndizte shpresat se një ditë do të ndihen ngrohtë, larg çadrës me lagështirë apo kontejnerit provizor që duket se nuk plotëson kushtet më minimale të jetesës.