Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Rritja e pensioneve, këtë vit vetëm indeksim pas muajit maj

Nga A2 CNN
9 Janar 2022, 14:48 | Ekonomi
Rritja e pensioneve, këtë vit vetëm indeksim pas muajit maj

Në kulmin e krizës së shtrenjtimit të çmimeve, pensionistët do të mjaftohen vetëm me 400-500 lekë të reja më shumë në muaj.

Qeveria parashikon që këtë vit të bëjë vetëm indeksimin e pensioneve, që do të thotë rritjen e tyre në bazë të inflacionit. Në programin e ligjeve dhe vendimeve që do të merren nga Këshilli i Ministrave, kjo rritje pritet të ndodhë në katër mujorin e dytë, pra periudhën Maj-Gusht.

Në buxhetin e këtij viti, fondi i parashikuar për këtë qëllim është 2.6 miliardë lekë. Ndërsa në fund të vitit është parashikuar edhe shpërblimi me një fond prej 3.5 miliardë lekësh, apo 5 mijë lekësh për pensionist.

Ndërkohë së shpejti qeveria pritet të sjellë në Kuvend projektligjin për fondet e pensionit privat, ku synon të nxisë investimet në fonde të tilla, nga individët që kërkojnë një pension shtesë në momentin e daljes në pension.

Kjo do të arrihet edhe përmes lehtësirave shtesë fiskale për anëtarët e këtyre fondeve dhe përcaktimin e rregulloreve që i bëjnë ato më të sigurta dhe në përputhje me ligjet dhe direktivat europiane.

Aktualisht, numri i individëve që kontribuojnë privatisht në fonde pensionesh llogaritet nga AMF në gati 33 mijë.

A2 CNN Livestream

Debat - nga Alba Alishani