Mariupoli ka rënë dhe është nën kontrollin e ushtrisë ruse. Pretendimi vjen nga ministri i Mbrojtjes, Sergej Shoigu, i cili hodhi poshtë raportimet se ushtria e tij po sulmon ashpër zonën e fundit të rezistencës, metalurgjikun Azovstal. Madje pretendoi se i ka ofruar civilëve dhe ushtarëve ukrainas një kalim të sigurt dhe trajtim të denjë nëse dorëzojnë armët. Shoigu njoftoi se forcat ruse po zgjerojnë kontrollin në Luhansk dhe Donetsk, ndërsa lëshoi një kërcënim të drejtpërdrejtë për Perëndimin.