Ndërtimi i hidrocentralit të Skavicës nuk është i leverdishëm për Shqipërinë në këtë moment. Eksperti për ekonominë, Enriko Ceko, argumenton faktorët që e bëjnë këtë projekt të pafavorshëm, duke nisur nga kostot e mëdha, deri tek humbja e tokës bujqësore dhe pasojat sociale nga shpronësimi i tokës që do të përmbytet. Në vend të tij, Ceko thekson se qeveria duhet të orientohet drejt burimeve alternative të energjisë dhe mirëmenaxhimit të resurseve aktuale.