Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Sa ka ndikuar teknologjia? Probleme të zhvillimit te fëmijët pas pandemisë

Nga A2 CNN
16 Dhjetor 2022, 13:44 | Sociale
Sa ka ndikuar teknologjia? Probleme të zhvillimit te fëmijët pas

Mungesa e komunikimit social, si dhe shtimi i kohës para celularëve dhe tableteve gjatë pandemisë, ka bërë që të shtohet numri i fëmijëve që kanë shfaqur probleme apo stopime të zhvillimit.

Specialisti logoped, këshillon prindërit që vizitat e fëmijëve në zhvillim të kryhen në mënyrë periodike edhe kur nuk shfaqen shenja të dukshme.

Periudha e vështirë e pandemisë së COVID-19, përveç shumë pasojave shëndetësore tek të rriturit, ka shfaqur pasoja edhe te zhvillimi i fëmijëve. Specialistët logopedistë shprehen se periudha post-pandemike po shton numrin e fëmijëve që kanë shfaqur probleme të zhvillimit të tyre.

Një fenomen i tillë është konstatuar edhe në qytetin e Vlorës. Specialisti Sashen Rexhepi konfirmon shtimin e rasteve me vonesa zhvillimi te fëmijët, si dhe arsyet e shfaqjes se kësaj anomalie pas pandemisë.

Por kush janë shenjat që shfaq fëmija në mënyrë që edhe prindërit t’i drejtohen specialistit për trajtimin e duhur.

Sipas specialistit, prindërit nuk duhet të përcaktojnë vetë diagnozat e fëmijëve duke u konsultuar me internetin apo përvojat e prindërve të tjerë pasi rastet sado që mund të jenë të ngjashëm, mënyra e trajtimit ndryshon.

Logopedi ka sqaruar edhe frikën e prindërve për vaksinën që u bëhet fëmijëve 12-muajsh.

Specialisti këshillon prindërit që të jenë të vëmendshëm në ndjekjen zhvillimore të fëmijës dhe rekomandon që vizitat te specialistët të kryhen në mënyrë periodike edhe kur nuk ka shenja për probleme të zhvillimit.

A2 CNN Livestream

Dita jonë