Edhe në Korçë, mbështetësit e opozitës dolën për t’i bllokuar rrugën Kryeministrit Rama, me qëllim që të ndalonin atë të zhvillonte takimet elektorale, për prezantimin e kandidatëve për kryetarë bashkish të këtij qarku.
Në mbështetje të protestuesve ishin dhe ish-deputetët Ervin Salianji, Klevis Balliu, Endrit Braimllari, por edhe kryebashkiaku i Devollit Bledion Nallbati.
Me pankarta në duar dhe me thirrjet “Rama ik”, protestuesit synonin që të pengonin Ramën për të vijuar me takimin elektoral në Devoll.
Nga ana e tyre, forcat e policisë u kërkuan përfaqësuesve të opozitës që të mos bëheshin pengesë për qarkullimin.