Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Sezoni turistik, Gërxhani: Situata kaotike. Vathi: Nuk ka prenotime për jashtë vendit

Nga A2 CNN
12 Maj 2021, 22:28 | Ekonomi
Sezoni turistik, Gërxhani: Situata kaotike. Vathi: Nuk ka prenotime

Kliton Gërxhani, ekspert për turizmin, u shpreh se situata e turizmit është kaotike në vend në prag të sezonit të verës, teksa ishte i ftuar në A2 Business.

“Në prag të verës, situata është kaotike, është e mjegullt. Ka sinjale që diçka mund të lëvizë, por nuk është se ka një plan të qartë, apo ka rezervime të plota, kalendar të rregullt, siç mund të ishte një vit normal i turizmit. Jepi duke iu afruar gjysmës së parë të vitit dhe jemi para muajve decizive të sezonit veror. Të gjithë operatorët turistikë që merren me kulturë apo natyrë e dogjën pranverën. Shpresa e tyre e vetme është tani vetëm vjeshta, në qofte se do të kemi një situatë normale të pandemisë”.

Por a kanë nisur prenotimet për jashtë vendit? Përgjigje kësaj pyetjeje i dha Besnik Vathi, Shoqata e Tur Operatorëve.

“Në kushtet kur Shqipëria është në gjendje të mirë nga pandemia, por kur kufijtë janë të mbyllur në vendet ku shkojnë shqiptarët, nuk mund të themi se ka prenotime. Vërtetë mund të ketë data, si për shembull Greqia që ka njoftuar se do të hapet më datë 15, por asnjë prenotim nuk ka në drejtim të Greqisë. Ka një frenim të rezervimeve për shkak të pandemisë”, tha Vathi.

A2 CNN Livestream

Dita jonë