Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Sezoni turistik, nis pastrimi i bregdetit të Durrësit

Nga A2 CNN
1 Maj 2022, 12:47 | Aktualitet
Sezoni turistik, nis pastrimi i bregdetit të Durrësit

Rritja e temperaturave, shoqëruar me frekuentim të plazhit nga qytetarët vendas dhe të huaj ka vënë në lëvizje strukturat vendore që  të nisin punën për pastrimin e bregdetit.

Tonelata leshterikë nxjerrë nga dallgët kanë nisur të pastrohen në vijën bregdetare të Durrësit. Puna është përqendruar në plazhin e madh të qytetit, ku sipas vendorëve sasi e leshterikut mbetet e madhe.

Ndërhyrja për pastrimin bëhet gjatë natës, por problem mbetet venddepozitimi i tyre pas mbylljes së landfillit në Durrës.

Pas këtij procesi brezi i rërës  do të duhet t’i nënshtrohet plugimit dhe më pas dezinsektimit, i cili pritet të zhvillohet në dy faza, me qëllim ofrimin e një mjedisi të pastër për pushuesit.

Aksioni i pastrimit sipas vendorëve do të vijojë përgjatë gjithë javëve në vijim pa ndërprerje për të përgatitur një mjedis sa më të pastër për vizitorët vendas dhe turistët e huaj që pritet të frekuentojnë plazhet e Durrësit këtë sezon.

A2 CNN Livestream

Debat - nga Alba Alishani