Shembja e ndërtimeve pa leje në Velipojë, në listë 15 objekte

Gazetari Gjon Gjeka ka raportuar nga Velipoja në lidhje me nisjen ne aksionit për prishjen e ndërtimeve pa leje në bregdet. Gjatë ditës së djeshme janë shembur 2 objekte, në listë janë rreth 15 objekte që do të prishen në ditët në vijim. Pronarët e këtyre objekteve kanë patur mendime të ndryshme. Ata kanë shprehur kundërshti për prishjen e ndërtimeve pa leje në nisje të sezonit veror, por edhe për prishje selektive. Pavarësisht këtyre reagimeve, dje nuk ka pasur rezistencë nga pronarët. Kundërshti për shembjen e ndërtimeve ka shprehur edhe kryebashkiakja e Shkodrës Voltana Ademi.