Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Shkëmbimi kulturor Itali-Shqipëri, tre vite bashkëpunime

Nga A2 CNN
6 Qershor 2022, 16:46 | Aktualitet
Shkëmbimi kulturor Itali-Shqipëri, tre vite bashkëpunime

Ministri i Kulturës së Italisë, Dario Franceschini, ka mbërritur në Tiranë dhe takimi i parë ishte me homologen e tij ministren, Elva Margariti.

Pritja dhe bisedat e para mbi bashkëpunimin e mëtejshëm për artin dhe kulturën u zhvilluan në Pallatin e Brigadave, një nga ndërtesat më interesante që ruan ende Shqipëria nga arkitektët dhe stili italian.

“Marrëveshja e bashkëpunimit që firmosim sot, forcon raportet dypalëshe, në një investim që do të përfshijë jo vetëm sektorët tradicionalë, ku bashkëpunimi është tashmë i fortë, por do të vijojë edhe në arkeologji, muze, në trafikimin e pasurive kulturore. Marrëveshja i mëshon këtyre, i mëshon të ardhmes, njohjes reciproke mes brezit të ri.

Ky do të jetë një investim i madh për të ardhmen, duke krijuar lidhje që do të forcohen edhe më shumë me kohën, që duhet të çojnë sa më shpejt të jetë e mundur, pranimin e Shqipërisë në Bashkimin Evropian, diçka të cilën Italia e mbështet me bindje, dhe do të vijojë ta mbështesë edhe më shumë se ç’kemi bërë përgjatë këtyre viteve, duke shpresuar që të pranohet sa më shpejt”, tha ministri italian.

A2 CNN Livestream

Dita jonë