Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Shqiponja që mund të shndërrohet në papagall!

Nga A2 CNN
11 Mars 2019, 21:39 | Kulturë
Shqiponja që mund të shndërrohet në papagall!

Në një vend ku tranzicioni zgjat gjatë, një shqiponjë mund të kthehet edhe në një papagall. Në fakt, ky është mesazhi që do të shpërndajë artisti italian, Eugenio Tibaldi, në Tiranën e këtyre viteve, i cili vjen me një ekspozitë krejtësisht ndryshe nga ato që keni parë më herët.

“Tirana për mua është mjaft interesante për dy aspekte. Një, sepse ende Shqipëria nuk është pjesë e Europës, në aspektin monetar ekonomik apo social. Por do të jetë së shpejti. Ajo që vë re unë në ndryshim nga vendet e Ballkanit është se Shqipëria do të jetë, por jo të ketë një rol të dytë dhe politika e Tiranës zyrtare sa shoh unë dëshiron të jetë mbi politikat e Ballkanit. Por, së dyti, ky është një risk i madh që ndërmerret, pasi shumë nga identiteti kombëtar humbet. Kjo vihet re në evolucionin që i ka ndodhur kryeqytetit. Në pamje, në ndërtesa, në estetike, kjo nuk është diçka e thjeshtë”, shprehet artisti italian.

Një Tiranë e vjetër e ndërtuar me dru dhe me elementë të cilët shkëputen nga njëri-tjetri. Më pas, një Tiranë të cilës i ndryshon koncepti, e ndriçuar.

“Këtë vit kur vizitova për herë të parë Tiranën, pashë që shumë ndërtesa të reja kishin shkëlqim, shkëlqimin e një qyteti të ndërtuar tani. Unë mbërrita në mbrëmje në Tiranë. Gjatë ditës, vura re se rrugicat me shtëpi të vjetra, as rrugët nuk i kishin të rregulluara. Duket sikur thonin shikoni vetëm anën e shndritshme. Ato kanë kontrollin dhe vizionin e qytetit”, shprehet artisti.

Një kontroll, që sipas artistit, Tirana e shkujdesur ende nuk e ka.

A2 CNN Livestream

Dita jonë