Shtrenjtohen karburantet, nafta dhe benzina i afrohen nivelit të 200 lekëve për litër

Nga A2 CNN
1 Shtator 2023, 13:06 | Ekonomi
Shtrenjtohen karburantet, nafta dhe benzina i afrohen nivelit të 200

Çmimi i naftës këtë fillim-muaj në vend i është afruar nivelit të 200 lekëve për litër. Në pikat e karburanteve, nafta po shitet mesatarisht për 199 lekë nga 197 që ishte gjatë gushtit, duke arritur në nivelin më të lartë që nga mesi i marsit të këtij viti.

Krahasuar me muajin maj çmimi i naftës në vend është shtrenjtuar mesatarisht me 30 lekë. Kjo si pasojë edhe e shtrenjtimit të naftës së papërpunuar në bursë e cila arriti në 881 dollarë për ton në fund të gushtit nga mesatarisht 677 dollarë në maj.

Bashkë me naftën është shtrenjtuar edhe benzina e cila po tregtohet mesatarisht për 199 lekë për litër, ndërsa çmimi i gazit ka mbetur i pandryshuar në 54 lekë për litër.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni