Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Shumë premtime pa investime, Anëvjosa prej 3 dekadash pa rrugë dhe pa ujë

Nga A2 CNN
27 Janar 2023, 15:14 | Aktualitet
Shumë premtime pa investime, Anëvjosa prej 3 dekadash pa rrugë

Vetëm 12 kilometra nga Memaliaj, fshati me emrin Anëvjosë, që përcakton edhe pozitën gjeografike të vendosjes së këtij fshati në anë të lumit Vjosë, përveç mirësisë së dhënë nga natyra, nga dora e njeriut nuk ka parë asnjë investim.

Vetë banorët, shumica e të cilëve të moshuar, kujtojnë se ujë për herë të fundit në banesat e tyre kanë parë në kohën e monizmit.

Ndërsa gjendja e rrugës bën që asnjë makinë të mos afrohet pranë banesave dhe në periudhën e verës kur vijnë për të parë njerëzit e tyre emigrantët i lënë makinat larg duke ecur më pas në këmbë. Ndërsa investimet kanë munguar nuk mund të thuash të njëjtën gjë për premtimet. Madje një të tillë e kanë marrë edhe tani edhe pse zgjedhjet vendore janë 4 muaj larg. Të tjera premtime edhe më të shumta pritet të marrin këta banorë deri në zgjedhjet lokale të 14 majit, ashtu sikurse kanë marrë dhe më pas janë harruar prej më shumë se  3 dekadash.

A2 CNN Livestream

Debat - nga Alba Alishani