Real Madrid njoftoi se do të kërkojë të marrë pjesë si “palë e dëmtuar” në hetimin e prokurorisë, ku Barcelona dhe ish-drejtuesit e klubit akuzohen për korrupsion. Çështja e nisur nga Prokuroria e Barcelonës lidhet edhe me falsifikim bilanci, si edhe krime që lidhen me pagesat e miliona eurove nga klubi, në llogaritë e ish-zëvendës presidentit të arbitrave në Spanjë, Jose Maria Enriquez Negreira. Korrupsioni në këtë rast realizohej nëpërmjet një kompanie në pronësinë e tij.