Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Skandali me pagat, Pashaj: Do të dëmtojë marrëdhëniet në punë mes kolegëve

Nga A2 CNN
24 Dhjetor 2021, 20:35 | Ekonomi
Skandali me pagat, Pashaj: Do të dëmtojë marrëdhëniet

Erald Pashaj, ekspert për çështjet e punësimit, i ftuar në Business News, foli për skandalin e publikimit të pagave të më shumë se 630 mijë shqiptarëve.

Ai u shpreh se më shqetësuese në atë listë janë pagat e ulëta, ku duket qartë se ka evazion. “Është momenti që disa kompani në vend duhet t’u shpjegojnë punonjësve të tyre se si vendosen pagat. Pagat aty janë kaotike. Ka paga minimale në pjesën dërrmuese të tyre dhe kjo është për të ardhur keq. Vetëm me një shikim të parë vëmë re që ka evazion, vëmë re që ka paga që janë jo në proporcion me tregun dhe pozitat e punës, vëmë re që nuk ka një strukturë brenda kompanive. Mua më shqetësoi më kur pash pagat e ulëta”, tha eksperti.

https://a2news.com/video/fiskalizimi-katiaj-po-gjen-zbatim-biznesi-i-madh-eshte-pershtatur/

Më tej, Pashaj u shpreh se nuk ka asnjë problem që disa persona marrin paga të larta, pasi ata paguajnë taksa duke qenë se i kanë të deklaruara.

“Sa i përket polarizimit mes pagave të larta dhe të ulëta. Kjo ka të bëjë me sistemin kapitalist. Pash shumë paga të larta te shumë persona dhe shumë mirë që i kanë. Ata paguajnë taksa dhe shumë mirë që i kanë. Problemi është se shumë paguhen me paga minimale”, tha eksperti.

A2 CNN Livestream

Debat - nga Alba Alishani