Pas dy vitesh mungesë nga pandemia, në Tajlandë rikthehet festivali i frutave për majmunët. Të vëzhguar nga turistë dhe banorë lokalë, mijëra majmunë në Lopburi, festuan me 2 tonë fruta dhe perime. Qindra makakë, të njohur edhe si majmunë me bisht të gjatë, u panë duke u ngjitur mbi njerëzit dhe malet e frutave, duke ngrënë banane dhe ananas. Eventi organizohet kryesisht për bamirësi.