Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Studimi në Itali tregon kur Covid-19 është më vdekjeprurës

Nga A2 CNN
31 Gusht 2020, 15:41 | Bota
Studimi në Itali tregon kur Covid-19 është më

Covid-19 është më vdekjeprurës nëse shkakton dëmtim të dyfishtë të mushkërisë. Ky është rezultati i një studimi italian i publikuar në revistën e njohur mjekësore “Lancet”. Kjo do të ndihmojë mjekët dhe infermierët që të evidentojnë në mënyrë të shpejtë pacientët që janë më të rrezikuar, në mënyrë që të përqendrojnë përkujdesen tek ata.

Në studim janë përfshirë 301 persona të prekur nga koronavirusi në 6 spitale të ndryshme të Italisë. “Covid-19 mund të dëmtojë të dy komponentët e mushkërisë: alveolat, njësitë që përthithin oksigjen dhe japin dioksid karboni dhe kapilarët, enët e gjakut ku ndodh shkëmbimi mes dioksidit karbonik dhe oksigjenit. 60% e pacientëve kanë humbur jetën kur virusi ka dëmtuar këto dy përbërës të rëndësishëm të mushkërive.

Ndërsa kur dëmtohet vetëm njëri komponent, niveli i vdekshmërisë zbret në 20%. Gjendja e mushkërisë së pacientëve zbulohet lehtë me matjen e një parametri të funksionimit të këtij organi kaq të rëndësishëm të njeriut. Ndërkohë, mjekët që kanë kryer studimin theksuan se rezultati do të mundësojë identifikimin e shpejtë të pacientëve, tek të cilët duhet të testohen trajtime eksperimentale me anti-koagulantë për të shmangur dëmtimin e kapilarëve pulmonarë.

A2 CNN Livestream

Dita jonë