Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Tirana për mbrojtjen e titullit, Shehi: Ndryshuam 50% të ekipit, dua të fitoj çdo ndeshje

Nga A2 CNN
1 Janar 2023, 18:11 | Futboll
Tirana për mbrojtjen e titullit, Shehi: Ndryshuam 50% të ekipit, dua

Mbrojtja e titullit kampion. Ky mbetet objektivi i Tiranës dhe për këtë vit. Bardheblutë po zhvillojnë një sezon të shkëlqyer duke qenë pa diskutim një nga ekipet pretendente për trofeun në fund ndonëse rruga drejt tij do të jetë shumë e vështirë!

Tirana çdo sezon është më synime maksimale. Dhe ketë e ka treguar më së miri në tre vitet e fundit kur fitoi dy herë titullin kampion. Kryeqytetasit nuk kishin kundërshtar apo rival por çdo ndeshje kërkonin fitoren me detyrim. Shpirti luftarak, dëshira për të fituar gjithçka apo mbështetja e një tifozerie të zjarrtë ishin çelësi i suksesit që kjo skuadër të eci përpara.

Meritë të veçantë në mentalitetin  e këtij ekipi ka dhe trajneri Orges Shehi i cili është tekniku  më jetëgjatë tek Tirana dhe ka fituar titullin kampion dhe dy Superkupa Shqipërie.

Profesor edhe këtë edicion konfirmoheni si pretendete për të fituar të tjera trofe, sa e vështirë mund të jetë dhe sa gjasa ka skuadra aktuale që të fitojë gjithçka? “Është një rrugë disi e gjatë dhe ka pasur momente të mira dhe jo të mira, por më shumë kanë qenë momentet e mira, sepse jemi kurorëzuar me pikë dhe tituj. Mendoj që çdo punë ka momentet e veta të mira”, tregon Shehi.

Është mbyllur gjysma e sezonit, a ju ka mbetur ndonjë peng, ndonjë ndeshje që mbase do të donit një tjetër paraqitje nga çunat në fushë? “Pas Europës, pas pjesës së parë të ndeshjes me Zrinjskin u thashë lojtarëve që të luanin lirshëm sepse përgjegjësia e mbaja unë dhe kjo mund të ishte ndeshja e fundit. Skuadra reagoi shumë mirë dhe bëri ndeshje tjetër. Edhe pas ndeshjes kam qenë i mendimit që dikush duhet ta marrë përgjegjësinë, sepse mendoj që aty ku mbaron hedhja e fajit mbaron përgjegjësia. Aty ka qenë momenti që kam dashur të largohem”, tregon Shehi.

Sipas trajnerit, titulli kampion i vitit të kaluar është i “stërmerituar”, një objektiv që synon ta realizojë edhe këtë vit. “Ndryshuam 50% të ekipit, por edhe pse patëm lojtarë që u formatuan në fund jemi këtu ku jemi. Në aspektin personal kërkoj të marr maksimumin nga vetja dhe lojtarët. Ambicia ime është të fitoj çdo ndeshje”.

https://a2news.com/2022/06/01/26-here-kampion-tirana-feston-me-tifozet-protagonistet-flasin-ne-a2-cnn/

A2 CNN Livestream

Dita jonë