Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Turizmi në prag rekordesh! Më shumë të huaj në hotele, linjat ajrore shtojnë kapacitetet

Nga A2 CNN
19 Maj 2023, 14:45 | Ekonomi
Turizmi në prag rekordesh! Më shumë të huaj në hotele,

Jo vetëm rritje në numra, por edhe në shpenzime për hotele dhe restorante. Turizmi këtë vit po i drejtohet një tjetër rritjeje të fortë, teksa INSTAT raporton se pranvera e këtij viti pati një rritje të ndjeshme të vizitave dhe net qëndrimeve nga të huajt.

Në shifra absolute, vizitorët e dyfishuar nga Kosova zënë vendin e parë në listën e turizmit ndjekur nga Maqedonia e Veriut, Mali i Zi dhe Italia. Mirëpo, vlen të përmendet një rritje e fortë e hyrjeve në vend nga Gjermania, Turqia, Shtetet e Bashkuara, por edhe Spanja dhe vendet nordike.

Ecuria e fortë dhe e qëndrueshme e turizmit, perceptohet se do të vazhdojë rritjen edhe nga linjat e huaja ajrore, që kanë njoftuar zgjerimin e numrit të destinacioneve, bazën e avionëve dhe frekuencën e fluturimeve, për të shërbyer më shumë të huaj që duan të vizitojnë vendin, por edhe shqiptarë që kërkojnë të shohin destinacionet europiane.

Për periudhën Janar-Mars, mbi 203 mijë net fjetje nga të huaj u regjistruan në strukturat akomoduese të vendit, 23% më shumë se e njëjta periudhë e një viti më parë. Pjesa kryesore ishin të shpërndara në rajonin qendror të vendit, kryesisht në Tiranë dhe Durrës, ndërsa pjesa tjetër e shpërndarë thuajse në mënyrë të barabartë në jug dhe veri të vendit.

Rritja e turistëve u përkthye edhe në një shtim të vizitorëve në muzetë, kalatë dhe parqet arkeologjike të vendit, në një total prej 51 mijë biletash të shitura në tre muajt e parë të vitit.

https://a2news.com/video/ne-krize-per-punetore-bizneset-kthejne-syte-nga-shkollat-profesionale-te-hoteleri-turizmit/
https://a2news.com/video/turizmi-2023-per-shqiperine-pritshmerite-pas-notave-optimiste-ne-konventen-nderkombetare/

A2 CNN Livestream

Debat - nga Alba Alishani