Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Vodhën portofolat dhe celularët e 8 personave në spitalin e Durrësit, arrestohen dy të moshuar

Nga A2 CNN
21 Dhjetor 2022, 12:18 | Kronikë
Vodhën portofolat dhe celularët e 8 personave në spitalin e

Policia e Durrësit ka arrestuar dy të moshuar, pasi kanë vjedhur portofolat dhe celularët e 8 shtetasve që ndodheshin në sportelin e Spitalit Rajonal të qytetit. Sipas Policisë, dy të arrestuarit të moshës 64 dhe 65 vjeç, përkatësisht nga Elbasani dhe Kuçova, kanë qenë edhe më parë të dënuar për vjedhje.

“Falë bashkëpunimit me qytetarët të cilët kanë denoncuar vjedhjen e portofolave dhe sendeve të tyre personale, në ambientet e Spitalit Rajonal Durrës, kanë organizuar dhe finalizuar operacionin policor të koduar “Sporteli", si rezultat i të cilit u arrestuan në flagrancë shtetasit: N. L., 65 vjeç, banues në Kuçovë dhe N. I., 64 vjeç, banues në Elbasan, të dy të dënuar më parë për vjedhje”, thuhet në njoftimin e Policisë.

Nga veprimet hetimore ka rezultuar se këta 2 shtetas, në bashkëpunim me njëri-tjetrin, janë autorë të 8 vjedhjeve të portofolave me shuma parash, dhe të celularëve të shtetasve të ndryshëm të cilët prisnin për të marrë shërbimet, në sportelin e Spitalit Rajonal Durrës, vjedhje këto të ndodhura gjatë këtij viti.

Ndërkohë vijon puna, nën drejtimin e Prokurorisë pranë Gjykatës së Rrethit Gjyqësor Durrës, për zbardhjen dhe dokumentimin e vjedhjeve të tjera që mund të jenë kryer nga këta shtetas.

A2 CNN Livestream

Dita jonë