Vrasja e Ibrahim Bashës në Lazarat, ekstradohet nga SHBA pjesëtari i grupit që qëlloi mbi Policinë

Ruhan Hiraj është depërtuar nga Shtetet e Bashkuara të Amerikës, me kërkesë të autoriteteve shqiptare, pasi akuzohet se është një prej pjesëtarëve të grupit të strukturuar kriminal, ku pas sulmit me armë në qershor të vitit 2015 në Lazarat, mbeti i vrarë punonjësi i Policisë Ibrahim Basha, sot “Dëshmor i Atdheut”, si dhe u plagosën dy efektivë të tjerë të Policisë.

22-vjeçari ishte i shpallur në kërkim ndërkombëtar, pasi Gjykata e Shkallës së Parë për Krimet e Rënda Tiranë në vitin 2018, e ka dënuar me 15 vjet burg për veprat penale “Kundërshtim i punonjësit të Policisë së Rendit publik me dhunë”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi i armëve luftarake“, “Kryerja e veprave penale nga organizata kriminale dhe grupi i strukturuar kriminal”, “Pjesëmarrja në bandën e armatosur”.

Ai ka mbërritur këtë paradite në Tiranë, ku edhe do të përballet me organet shqiptare të drejtësisë.

Shkarkoni aplikacionin e A2 CNN