Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Vucic: Flas me Macron në emër të Ramës dhe Zaevit

Nga A2 CNN
23 Nëntor 2019, 15:05 | Ballkani
Vucic: Flas me Macron në emër të Ramës dhe Zaevit

Shqipëria dhe Maqedonia e Veriut përfaqësohen nga Serbia në takimet me presidentin francez, Emmanuel Macron. Konfirmimi erdhi nga Aleksandër Vucic, që saktëson për median gjermane “Der Spiegel”, se kjo ishte një dakordësi e arritur me Edi Ramën dhe Zoran Zaev në Ohër.

“Unë isha me kryeministrat e Shqipërisë dhe Maqedonisë së Veriut në samitin e Ohrit dhe ne ramë dakord për pothuajse çdo pikë, duke përfshirë që unë të flisja me Macron në emër të të gjithëve, siç bëra javën e kaluar”, tha Vucic.

Presidenti serb mbështet sërish idenë e Mini Shengenit Ballkanik, dhe thekson se sipas vlerësimit të Bankës Botërore vendet e rajonit kursejnë deri në 3,5 miliardë euro me heqjen e pengesave kufitare në shkëmbimin e mallrave dhe krahut të punës.

Sa i përket përfshirjes së Kosovës në këtë projekt, Vucic shprehet: “Kosovarët nuk dinë çfarë duan. Albin Kurti, i cili ka të ngjarë të jetë drejtuesi i tyre i radhës, tingëllon sikur dëshiron të bëhet udhëheqësi i Shqipërisë së Madhe. Kosova e shikon veten si shtet, por ne nuk e shohim atë në atë mënyrë. Sidoqoftë, ne mund të bënim biznes të shkëlqyeshëm me ta”.

https://a2news.com/2019/11/10/do-pranoni-ndonje-alternative-tjeter-pas-refuzimit-te-macron-ja-si-pergjigjen-rama-zaev-e-vucic/

Për idenë e Shqipërisë së Madhe dhe Albin Kurtin, presidenti serb ka folur edhe për median franceze, “Le Figaro”. “Disa herë shprehen se do të bashkohen nën çatinë e Bashkimin Europian dhe nganjëherë ndryshe, por ata kurrë nuk hoqën dorë nga kjo ide. Shikoni Albin Kurtin, i cili fitoi zgjedhjet. Në ambientet ku mban takimet nuk ka flamur të Kosovës por të Shqipërisë. Të gjithë ambasadorët, përfshirë atë amerikan dhe britanik, u ulën me të dhe u vendosën para flamurit shqiptar, dhe kjo nuk i shqetësoi”.

Vucic madje pretendon se ka garë mes Kurtit dhe Kreyministrit Rama për lidershipin mes shqiptarëve. Gjithashtu mbron Ramën nga sulmet e liderit të Vetëvendosjes lidhur me projektin e Mini Shengenit Ballkanik.

https://a2news.com/2019/11/01/haradinaj-akuzon-thaci-rama-dhe-vucic-punuan-per-ndarjen-e-kosoves/

A2 CNN Livestream

Ditari nga Bruna Çifligu