Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Wagner arrin në zemër të Bakhmut, ushtria ukrainase: Po na mbarojnë armët e njerëzit

Nga A2 CNN
14 Mars 2023, 15:16 | Bota
Wagner arrin në zemër të Bakhmut, ushtria ukrainase: Po na

Mercenarët rusë Wagner kanë arritur në zemër të qytetit ukrainas, Bakhmut. Udhëheqësi dhe themeluesi i grupit famëkeq, Yevgeny Prigozhin, njoftoi se luftëtarët e tij kanë pushtuar impiantin industrial Azom, që prodhonte dikur metale nga më të ndryshmet.

Në atë kompleks, dhjetorin e kaluar presidenti Volodymyr Zelensky, shpërndau medalje për mbrojtësit e Bakhmutit. Zona ka një rrjet tunelesh nëntokësore, në të cilat janë zhvilluar dhe disa beteja mes rusëve dhe ukrainasve.

Mercenarët e Wagner pretendojnë se ushtria ukrainase po përdor të gjitha llojet e armëve që posedon për të frenuar avancimin drejt Çasiv Yar. Media e njohur amerikan, Washington Post, raporton se forcat e Kievit kanë pësuar humbje të konsiderueshme në ushtarë dhe armë që nga fillimi I luftës dhe se funksionarët perëndimorë po vënë në dyshim nëse rezistenca për Bakhmutin të jetë një strategji e mirë.

“Humori i trupave në vijë të parë është në rënie”, shkruan gazeta duke nënvizuar faktin që disa funksionarë ukrainas kanë dyshime në gatishmërinë për kundërofensivën e pranverës. Megjithatë, presidenti Zelensky thotë se e ardhmja e Ukrainës varet nga betejat kyçe në lindje të vendit.

Ndërkohë, Rusia besohet se po dërgon edhe gra të burgosura për të luftuar në Ukrainë. Kështu pretendojnë forcat e armatosura të Kievit, ndërsa të njëjtin informacion e raportojnë edhe mediat ndërkombëtare që saktësojnë se të paktën 100 gra janë dërguar me autobusë drejt Donjeckut.

Sakaq, dora e hekurt e Putinit në Rusi sa vjen e bëhet më e rëndë. Një vajzë 12 vjeçare me emrin Masha bëri një vizatim kundër luftës në shkollë, duke futur në telashe të afërmit. Babai I saj është arrestuar, ndërsa ajo vetë është dërguar në një qendër rehabilitimi. Aktualisht prindërit rrezikojnë dhe të humbasin kujdestarinë e vajzës.

A2 CNN Livestream

Debat - nga Alba Alishani